Sign 3,569,234 x 10^7 that the end of the world is upon us

[Paul Pless]

klingon bible (http://klv.mrklingon.org/)

[Joe ( Cold Spring on Hudson )]

WARNING !!!!!! GEEK ALERT
http://academic.evergreen.edu/b/blalog07/noob.gif

[Keith Wilson]

There's an Elvish version too (Quenya, not Sindarin):

1 Sië menel ar cemen ar ilya hossento ner telyainë.
2 Ar i otsëa auressë Eru telyanë carierya ya carnes, ar sendes i otsëa auressë ilya carieryallo ya carnes.
3 Ar Eru laitanë i otsëa aurë ar airitánë sa, an sassë Eru sendë ilya carieryallo ya ontanes ar carnes.
4 Sin ná i nyarna menelo ar cemeno írë nentë ontainë, i auressë ya carnë Yehóva Eru menel ar cemen.
5 Voro palúressëa tussa lá engë cemendë, ar olvar voro úmer tuita, an Yehóva Eru lá tyarnë mistë lanta cemenna, ar lá engë Atan mótien i palúressë.
6 Mal hísië ortanë cemello, ar ánes nén ilya i palúren cemeno.
7 Ar Yehóva Eru carnë i Atan astonen i cemello ar súyanë cuilesúlë mir nengwirya, ar i Atan né cuina onna.
8 Ar Yehóva Eru empannë tarwa Erendë, Rómenna, ar entassë panyanes i Atan i carnes. 9 Ar Yehóva Eru tyarnë tuita cemello ilya alda i ná vanya cenien ar mára matien ho sa, ar yando i alda cuilëo endessë i tarvo, ar i alda istyo márava ar ulcuva.
10 Engë sírë i lendë et Erenello antien nén i tarwan, ar entallo nes hyárina mir canta celumi.
11 I essë i minyo ná Píhyon; sa ná i sirë os ilya i nórë Havíla, yassë ëa malta.
12 Ar tana nórëo malta ná mára. Entassë ëar yando nísima suhtë ar ahyamírë.
13 Ar i essë i attëa sírëo ná Íhon; sa ná i sirë os ilya i nórë Cús.
14 Ar i essë i nelya sírëo ná Hirrecel; sa ná i celë rómessë Ahyuro. Ar i cantëa sírë ná Perat.
15 Ar Yehóva Eru mampë i Atan ar panyanë se Ereno tarwassë mótien sassë ar tirien sa.
16 Ar Yehóva Eru cannë i Atanen, quétala: "Ilya aldallo i tarwassë lertalyë matë.
17 Mal i aldallo istyo márava ar ulcuva áva matë, an i auressë ya matilyë sallo, anwavë firuvalyë.
18 Ar equë Yehóva Eru: "Umë mára sa i Atan ná eressëa. Caruvan sen restar i ná ve se."
19 Yehóva Eru carnë cemennen ilyë celvar palúrëo ar ilyë aiwi menelo, ar tulyaneryet i Atanna cenien mana estaneryet. Ya i Atan estanë ilya cuina onna, sa né esserya.
20 Ar i Atan estanë ilyë lamni ar i aiwi menelo ar ilyë hravani celvar, mal Atanen úmes hirë restar i né ve se.
21 San Yehóva Eru tyarnë núra fúmë lanta i Atanna, ar írë fumnes, mampes minë hónaxoryaron ar quantë hrávenen.
22 Ar Yehóva Eru carnë i hónaxo ya mampes i Atanello mir nís, ar tulyaneryes i Atanna.
23 San equë i Atan: "Lú sina nas axor axonyaron ar hrávë hrávenyo! Sin nauva estaina Nís, an Nerello nes mapaina."
24 Sië nér autuva ataryallo ar amilleryallo ar himyuva vesserya, ar nauvantë hrávë er.
25 Nentë heldë, i Atan ar vesserya, mal úmentë naityanë.

[ 11-18-2005, 11:23 AM: Message edited by: Keith Wilson ]